Արմենի (Լասիթի)

Գիւղ
Արմենի
յուն․՝ Αρμένοι
Արմենի, Լասիթի, արեւելեան Կրետէ
Երկիր	Յունաստան
Շրջան	Լասիթի, Կրետէ
ԲԾՄ	560 մեթր
Բնակչութիւն	245 (2021) մարդ
Հեռախօսային ցուցանիշ	2843
Փոստային ցուցանիշ	720 59

Արմենի (յուն․՝Αρμένοι)․ գիւղ, հիւսիս-արեւելեան Կրետէ, Յունաստան։ Սիթիա քաղաքապետութեան համանուն համայնքին կեդրոնն է։ Ըստ 2021-ի մարդահամարին, Արմենի ունի 245 բնակիչ։ Կը գտնուի Սիթիայէն 28,7քլ հարաւ եւ ծովու մակերեսէն 560 մեթր բարձրութեան վրայ։

Տեղեկութիւններ

Արմենի տեղանունը յունարէն լեզուին մէջ կը գործածուի յոգնակիով՝ հայեր, եւ ինքնին կը վկայէ հայերու ներկայութիւնը շրջանին մէջ։ Բիւզանդիոնի կայսր՝ Նիքիֆորոս Ֆոքաս, երբ Կրետէն կ՛ազատագրէ (961), անոր բանակին մէջ ծառայող մեծ թիւով հայ զինուորներ հոն կը հաստատուին։

Ֆրանչեսքօ Պարոցի (Francesco Barozzi), ԺԶ․ դարու իտալացի թուաբանագէտ եւ գիտնական, 1577-ի իր արձանագրութիւններուն մէջ նշած է գիւղին անունը իբրեւ Armenus (Արմենուս), Սիթիա գաւառի։ Բեթրոս Քասթրոֆիլաքաս, 1583-ին վենետիկեան մարդահամարին արձանագրութիւններուն մէջ, գիւղը կը նշէ իբրեւ Armenus, 428 բնակիչներով։ 1630-ին, նոյն անունով գիւղը կը նշուի ԺԷ․ դարու քարտէսագրող եւ ճարտարագէտ Ֆրանչեսքօ Պազիլիքաթայի (Francesco Basilicata) արձանագրութիւններուն մէջ, ինչպէս նաեւ 1671-ի թրքական արձանագրութիւններու մէջ։

Ըստ Եգիպտական մարդահամարին՝ 1834, Արմենի գիւղին մէջ կը բնակէին 20 քիրստոնիայ եւ 8 թուրք ընտանիքներ։ 1856-ին պատահած երկրաշարժին գիւղը կը քանդուի։ 1881-ին Արմենի ունեցած է 246 բնակիչ (բոլորը քրիստոնիայ)։ Ստորեւ բնակչութեան ժողովրդագրութիւնը 1900-էն մինչեւ 2021 ըստ կատարուած մարդահամարներուն։

Մարդահամար	1900	1920	1928	1940	1951	1961	1971	1981	1991	2001	2011	2021
Բնակչութիւն	371	350	428	506	459	523	466	381	323	338	273	245