Արհմն

Արհմն կամ Ահրի-Մայնյու, գրաբարին մէջ նաեւ օգտագործուած են Արհմն, Ահրամ եւ Խ/Հարաման (անուան պահլաւական ձեւը) ձեւերը զրադաշտականութեան մէջ՝ չարի մարմնացումը եւ չար աստուածն է որ ստեղծած է բոլոր չարիքները՝ մահը, հիւանդութիւնները, աղէտները, վնասակար գազաններն ու թռչունները եւ մշտական պայքարի մէջ է բարի ասուտծոյ` Ահուրամազդայի հետ։ Հայերուն մօտ յայտնի եղած է նաեւ Արհմն անունով։

Նկարագրութիւն

Ահրիմանը կամ «դեւերու դեւը», ինչպէս յայտնի է, Ահուրամազդայի հակառակորդն է եւ չարութեան մարմնացումը։ Ինչ բարի գործ, որ կ՚ընէ Ահուրամազդան, Ահրիմանը կը պատասխանէ անոր համապատասխան չար գործով։ Ահրիմանի այս գործունէութիւնը լաւ որակուած է Եղիշէի մօտ՝ հայերուն ուղղուած Միհրնեսեհի թուղթին մէջ։ Ահրիմանը իր աջ կողմը ունի կին դեւ Դրուջին (այլ ընթերցումներ. Դրուհ, Դրուգ), ինչպէս Ահուրամազդան Աշա Վայիշտային եւ Դրուջը Աշայի կատաղի թշնամին է։ Ահրիմանի անուան նախնական ձեւն է Անրա Մայնյու, որ որոշ ենթադրութիւններով կարելի է թարգմանել «թշնամի ոգի»։

Ծանօթագրութիւններ

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։