Արիզոնայի դրօշ
| Արիզոնայի դրօշ | |
|---|---|
 | |
| Տեսակ | երկրի շրջանի դրօշ |
| Իրաւասութեան տարածք | Արիզոնա |
| Նշան | 🏴 |
| Ընդունուած է | 25 Յունուար 1917 |
| Գոյներ | կապոյտ, copper?, Դեղին (գոյն) և կարմիր |
| Պատկերուած է | հնգաթեւ աստղ |
Արիզոնայի դրօշը (անգլ.՝ Flag of Arizona), ամերիկեան Արիզոնա նահանգի խորհրդանիշերէն մէկը։
Արիզոնայ նահանգի դրօշը կը ներկայացնէ ուղղանկիւն վահանակ բաժանուած երկու հաւասար մասերու։ Վերի հատուածը կազմուած է կարմիր եւ ոսկեգոյն 13 շողերէ (Կոնկիստադորներու եւ Սպանիոյ դրօշի գոյները), ներկայացնելով Արիզոնայի 13 նախնական շրջանները (ներկայիս 15 են), ինչպէս նաեւ կը խորհրդանշէ Արիզոնայի գեղատեսիլ մայրամուտը։ Դրօշի վարի հատուածը կապոյտ գոյնի է եւ կը խորհրդանշէ ազատութիւն։ Դրօշի կեդրոնը պատկերուած է պղինձի գոյն ունեցող աստղ, որ կը խորհրդանշէ Արիզոնայի պղնձաձուլային արտադրութիւնը։
1910 թուականին գնդապետ Արիզոնայի ազգային գուարդիայի ղեկավար Չարլզ Վ․ Հարիսը ստեղծած է դրօշ Արիզոնայի հրաձիգներու խումբի համար, որոնք ելոյթ կ՚ունենային ազգային մրցոյթներու ժամանակ։ Մինչ այդ Արիզոնայի խումբը եղած է միակ խումբը, որ չունէր իր դրօշը։
Այդ դրօշը հաստատուած է որպէս Արիզոնայի նահանգի պաշտօնական դրօշը 27 Փետրուար 1917-ին, նահանգի երրորդ հասարակական ժողովի ժամանակ։ Օրինագիծը ընդունուած է առանց կառավարիչ Թոմաս Քեմփբելի ստորագրութեան։ Անձամբ կառավարիչը պաշտօնապէս յայտարարած է իր չէզոքութեան պատճառը այդ հարցին վերաբերեալ։
2001 թուականին Հիւսիսամերիկեան Վեկսիլոգիական ասոցացիայի կողմէ կազմակերպուած հարցման ժամանակ Արիզոնայի դրօշը անուանուած է «Մայրցամաքի 10 լաւագոյն դրօշներէն մէկը»՝ զբաղեցնելով վեցերորդ հորիզոնականը 72 հիւսիսամերիկեան դրօշներու շարքին մէջ։
Դրօշի կառուցուածք
[Խմբագրել | Խմբագրել աղբիւրը]Բարձրութեան յարաբերութիւնը երկարութեանը կը կազմէ 2:3։ Արեւի շողերը վերը բաժնուած են տասներեք հաւասար մասերու, որոնք կը սկսին կարմիր շողէ՝ փոխարինուելով ոսկէ շողով։ Դրօշի կեդրոնը, պղինձէ գոյն ունեցող աստղ է բարձրութեամբ դրօշի բարձրութեան կէսը։ Կարմիր եւ կապոյտ գոյները ունին նոյն երանգը, որ կ՚օգտագործուի ԱՄՆ-ի դրօշին մէջ։ Պղինձի եւ ոսկիի գոյներու սահմանումը օրէնքով չի ճշտուիր։ Դրօշի առաջարկուած չափը չորսը վեցի վրայ ֆուտն է, երկու ֆուտ բարձրութեամբ։
Արտաքին յղումներ
[Խմբագրել | Խմբագրել աղբիւրը]- «The Arizona State Flag» (անգլերեն)։ Arizona State Library, Archives and Public Records Division, Arizona Secretary of State։ 2010 թ․ հունվարի 13։ արխիւացուած է բնօրինակէն-էն՝ 2012 թ․ օգոստոսի 18-ին։ արտագրուած է՝ 2012 թ․ օգոստոսի 15
- «The Arizona State Flag» (անգլերեն)։ netstate.com։ արխիւացուած է բնօրինակէն-էն՝ 2012 թ․ օգոստոսի 18-ին։ արտագրուած է՝ 2012 թ․ օգոստոսի 15