Արեգ Տիրազեան

Jump to navigation Jump to search
Արեգ Տիրազեան
Ծնած է 1902
Ծննդավայր Պոլիս
Ազգութիւն Հայ
Կրօնք Քրիստոնեայ
Երկեր

Արիւն եւ Ծաղիկներ, Լռութեան Հմայքը,

Երրորդի Ստուերով, Փորձի Կաւ,

Արեգ Տիրազեան (Օննիկ Պասմաճեան), հայ լեզուի ու գրականութեան ուսուցիչ, տնօրէն եւ դասախօս ծնած է 1902-ին Պոլիս:

Կենսագրութիւն[Խմբագրել | Խմբագրել աղբիւրը]

1920-ական տարեներէն մինչեւ 1950-ական թուականներ Պոլսոյ վարժարաններուն ու 1956-1975 Լիբանանի, Հալէպի եւ Կիպրոսի երկրորդական հաստատութեանց մէջ, հայ լեզուի ու գրականութեան ուսուցիչ՝ Արեգ Տիրազեան կրթական-դաստիարակչական մշակի մեծարելի վաստակ մը ունի։

Նոյն ժամանակաշրջանին մէջ, կը հրատարակուին նաեւ գրական իր ստեղծագործութիւնները՝ արձակ բանաստեղծութիւններ, եւ վիպերգութիւններ․ անոնց որակի բծախնդրութիւնը ակնբախ է արուեստի չափանիշով։

Իր Գործերը[Խմբագրել | Խմբագրել աղբիւրը]

Սկզբնական իր գործերը հրատարակուած են 1920-1950 երեսնամեակի ընթացքին պոլսահայ թերթերու մէջ կամ անջատ հատորով՝ «Արիւն եւ Ծաղիկներ» (վիպակ, 1929), «Լռութեան Հմայքը» (արձակ էջեր, 1920-1930, թերթերու մէջ), «Երրորդի Ստուերով» (վիպագրութիւն, 1955), իսկ 1979-ին՝ «Փորձի Կաւ» լայնաշունչ վէպը, որ յուշագրութեան ձեւի տակ պատմութիւնն է տարբեր բարեխառնութեամբ երեք տիպարներու։

Յիշատակուած իր գործերէն անկախ, ունի անտիպ աշխատասիրութիւններ. «Պատմութիւն արեւմտահայ գրականութեան չորս շրջաններուն», «Ռուբէն Որբերեան՝ կարօտի բանաստեղծը», «Յակոբ Օշականի վէպին արտայայտութեան եղանակը», «Գործնական նամականի եւ նամակագրական բանաձեւեր» եւ «Խեղաթիւրումներ» ուսումնասիրութեան հայ ուղղագրութեան մասին[1]:

Ծանօթագրութիւններ[Խմբագրել | Խմբագրել աղբիւրը]

  1. Մինաս Թէօլէօլեան, Դար մը գրականութիւն, հ. Բ, Հալէպ, էջ 242։