Արա Շիրազ

Արա Շիրազ
Ծննդեան անուն	հայ.՝ Արամազդ Կարապետյան
Ծնած է	8 Յունիս 1941(1941-06-08)
Ծննդավայր	Երեւան, Խորհրդային Միութիւն
Մահացած է	18 Մարտ 2014(2014-03-18) (72 տարեկանին)
Մահուան վայր	Երեւան, Հայաստան
Քաղաքացիութիւն	Հայաստան
Ուսումնավայր	Երեւանի Պետական Գեղարուեստաթատերական հիմնարկ
Երկեր/Գլխաւոր գործ	Անդրանիկ Օզանեանի Յուշարձան, Ալեքսանդր Միասնիկեանի յուշարձան, Հովհաննես Շիրազի հուշարձան?, Տիգրան Պետրոսյանի հուշարձան? և Պարոյր Սեւակի յուշարձան
Մասնագիտութիւն	քանդակագործ և գեղանկարիչ
Ծնողներ	հայր՝ Յովհաննէս Շիրազ, մայր՝ Սիլվա Կապուտիկեան

Արա Շիրազ (Արամազդ Յովհաննէս Կարապետեան, 8 Յունիս 1941(1941-06-08), Երեւան, Խորհրդային Միութիւն - 18 Մարտ 2014(2014-03-18), Երեւան, Հայաստան)՝ հայ քանդակագործ, ՀՀ Ժողովրդական նկարիչ։

Կենսագրութիւն

Արա Շիրազը XX դարու յայտնի բանաստեղծ Յովհաննէս Շիրազի եւ բանաստեղծուհի Սիլվա Կապուտիկեանի որդին է։

1966 թուականին աւարտած է Երեւանի գեղարուեստա-թատերական բաժինը։

1987-1993՝ Հայաստանի նկարիչներու միութեան նախագահ։

Մահացած է «Նայիրի» բժշկական կենդրոնին մէջ ծանր հիւանդութենէ յետոյ։ Քանդակագործը ծայրայեղ ծանր վիճակի մէջ հիւանդանոց տեղափոխուած էր 2014 Փետրուար 24-ին։ Բժիշկներն ախտորոշած էին գլխուղեղի արեան շրջանառութեան սուր խանգարում, զարգացած էր պոլիօրգանային անբաւարարութիւն։

Կոչումներ

• Հայաստանի Հանրապետութեան ժողովրդական նկարիչ (2009)

Ստեղծագործութիւններ

1960-ական թթ. հայ կերպարուեստին մէջ գեղարուեստական ձեւերու թարմացման՝ բլաստիկայի ազգային աւանդոյթներու իւրացման միտումներն արտայայտուած են Շիրազի գործերուն մէջ։

• «Անտունի», 1969, թուջ, ԺԱԹ, Երեւան
• «Ներբող» 1970, թրծակաւ, ԺԱԹ, Երեւան
• «Վահանով կինը», 1970, դրուագուած պղինձ
• «Անի» հիւրանոց, Երեւան

1970-ական թթ. Շիրազի արտայայտչամիջոցները դարձած են առաւել վաւերագրական, բազմազան։

• «Ուիլիըմ Սարոյեան» 1975, դիմաքանդակ, թուջ, ԺԱԹ
• «Բապլօ Բիգասսօ», 1976, դիմաքանդակ, թուջ, ԺԱԹ
• «Հրաչեայ Ներսիսեան», 1976, դիմաքանդակ, թուջ, ԺԱԹ
• «Ֆիտայի», 1976, երանգաւորուած գիպս, ՀԱՊ

Հոյակապ գեղեցիկ գործերէն են՝

• «Պարոյր Սեւակ»ի (1974, պրոնզ, ճարտարապետ՝ Ճիմ Թորոսեան, Երեւան, Պարոյր Սեւակի անուան դպրոցի պատին) յուշարձան
• «Եղիշէ Չարենց»ի (Չարենցաւանի կենդրոնական զբօսայգիին մէջ, թուջ, 1979, Չարենցաւան) յուշարձան
• «Ալեքսանտր Միասնիկեանի» (1981, գրանիտ, ճարտարապետ՝ Ճիմ Թորոսեան, Երեւան) յուշարձան
• Անդրանիկ Օզանեանի յուշարձանի (2002, պրոնզ, բազալտ, ճարտարապետ՝ Ասլան Մխիթարեան, Երեւան) յուշարձան
• Մ. Մկրտչեանի (2004, Գիւմրի) յուշարձան
• «Դուին» հիւրանոցի ճակատի «Դուին» հարթաքանդակը (1978, ՀՀ Պետական մրցանակ՝ 1979, Երեւան)

Հեղինակ է բազմաթիւ այլ քանդակներու՝

• «Ուիլիամ Սարոյեանի» (1989, պրոնզ, գրանիտ, Կոմիտասի անուան զբօսայգի պանթէոն, ճարտարապետ՝ Ճիմ Թորոսեան) մահարձան
• «Յովհաննէս Շիրազի» (1994, պրոնզ, կրաքարային տուֆ, Կոմիտասի անուան զբօսայգի պանթէոն, ճարտարապետ՝ Ասլան Մխիթարեան) մահարձան
• «Սերգէյ Փարաճանովի» (1999, պրոնզ, գրանիտ, Կոմիտասի անուան զբօսայգի պանթեոն, ճարտարապետ՝ Ասլան Մխիթարեան) մահարձան
• «Վազգէն Սարգիսեանի» յուշապատի (1999, տուֆ, ճարտարապետ՝ Ասլան Մխիթարեան) դիմաքանդակի
• հօր՝ Յովհաննէս Շիրազի հուշարձանի, որ տեղադրուած է Երեւանի Մալաթիա-Սեբաստիա թաղամասին մէջ (2005)
• Վազգէն Ա-ի արձանի, որ տեղադրուած է Սեւանի Վազգէնեան հոգեւոր դպրանոցի բակին մէջ (2008)։

Երեւանի Գրիգոր Լուսաւորիչ եկեղեցիի դիմացի աջ անկիւնին մէջ տեղադրուած Անդրանիկ Օզանեանի յուշարձանի հեղինակն է (2002 թ.)։ Այն հարցին, թէ ինչու է ան Անդրանիկին երկու ձիերու վրայ քանդակած է, ան պատասխանած է. «Երկու ձիերը կը խորհդանշեն Արեւմտեան եւ Արեւելեան Հայաստանները, «դարերով բաժանուած երկիր, մեր միանալու պատգամը եւ ազգային ազատագրական պայքար», Անդրանիկը երդում է ուտում՝ հայացքը Մասիսին ուղղելով»։

Պատկերասրահ

• 
  Ալեքսանտր Միասնիկեանի յուշարձան (Երեւան)
• 
  Յովհաննէս Շիրազի յուշարձան (Երեւան)
• 
  Վրոյր Գալուստեան, 1984, Երեւանի Ժամանակակից արուեստի թանգարան
• 
  Տիգրան Պետրոսեանի յուշարձան (Երեւան, Օղակաձեւ զբօսայգի)
• 
  «Սերգէյ Փարաջանովի» մահարձանը Կոմիտասի անուան զբօսայգի պանթէոնին մէջ
• Պարոյր Սեւակի յուշարձան (Երեւան)
  Պարոյր Սեւակի յուշարձան (Երեւան)

Արտաքին յղումներ

• Կը Ներկայացն է Հայաստանի Հանրապետութեան նախագահի մրցանակին
• Կենսագրութիւնը անգլերէն լեզուով