Արամ Վարդանեան

Jump to navigation Jump to search
Արման Վարդանեան
Ծննդավայր Պոլիս
Ազգութիւն Հայ
Կրօնք Քրիստոնեայ
Երկեր «Թոխորը», «Մամլեկը», «Ագռաւուկը», «Խպլիկը» եւ «Կանկրուկը»
Մասնագիտութիւն Երաժիշտ

Արման Վարդանեան, ծնած է Պոլիս. զաւակն է մշակոյթով «ապրող» ծնողքի մը՝ որ մասնաւորաբար երաժշտական արուեստի իր պատրաստութեամբ ինչպէս նաեւ արուեստագէտներու եւ անոնց վաստակին հանդէմ գործօն հետաքրքրութեամբ ու յանձնառութիւններով յայտնի էր պոլսահայ եւ սփիւռքեան շրջանակներու մէջ։ Հայկազն Վարդանեան եւ Սրբուհի Վարդանեան, Արմանի հայրն ու մայրը, 1920-1970 յիսնամեակի պոլսահայ մտաւորականութեան փաղանգին մաս կազմած են իրենց երգարուեստի եւ երաժշտութեան շեշտուած տաղանդով, նաե՛ւ գրականութեան եւ առհասարակ մշակութային կեանքի հանդէպ ցայտուն հետաքրքրութեամբ։

Անկասկած՝ ժառանգութեան եւ ընտանեկան մթնոլորտի դերը մեծ եղած է Արմանի բնատուր ընդունակութեանց կազմաւորման եւ զարգացման մէջ։ Ջինք ճանչցած ենք կանաչ պատանութեան տարիներուն, Շիշլիի իր ընտանեկան շրջապատին մէջ։ Վարդանեաններու բնակարանը ժամադրավայր մըն էր մտքի, գրչի եւ արուեստի մարդոց համար. ապաստան ու երդիք՝ առօրեայ տափակութիւններէ յոգնած երգիչ-երգչուհիներու, դաշնակահարներու, ջութակահարներու, գրագէտներու, խմբագիրներու եւ ծլարձակ նոր տաղանդներու, որոնք պարբերաբար կը մէկտեղուէին հիւրընկալ այդ հարկին տակ՝ «մշակոյթ շնչելու» համար։

Ուսման իր շրջանը բոլորելէ ետք Վիենն. Մխիթարեան եւ Ազգ. Կեդրոնական վարժարաններուն մէջ, ստացած է երաժշտական կրթութիւն։ Ամէնէն աւելի մխրճուած է, սակայն, գաղափարախօսական շարժումներու մարդկային եւ ընկերութեան էութեան լոյսին տակ կեա՛նքը, մտայնութիւններ եւ կենցաղային-յարաբերական կապեր սեւեռումի նիւթ դարձնելու իմացական աշխատանքին մէջ՝ զանոնք ատաղձ դարձնելու համար թատերագրային իր գործերուն։

1977-1981 յաջորդաբար հրատարակած էհետեւեալ հինգ հատորիկները, «Թոխորը»՝ 1977, «Մամլեկը» 1977, «Ագռաւուկը»՝ 1978, «Խպլիկը»՝ 1980 եւ «Կանկրուկը»՝ 1981: Գրականութեան եւ արուեստի իր մղումները այս թուականներէն շատ աւելի կանուխ յայտնի էին. կը կարծէք որ, վերջին հնգամեակին ի լոյս ընծայած է իր այս գործերը գրի առնուած ըլլան հաւանօրէն 1965-1975 տասնամեակին[1]:

Ծանօթագրութիւններ[Խմբագրել | Խմբագրել աղբիւրը]

  1. Մինաս Թէօլէօլեան, Դար մը գրականութիւն, հ. հատոր (Բ հրատարակութիւն), Հալէպ, '''հատորը նշուած չէ'''։