Արամի Փողոց (Երեւան)

Արամի փողոց
	կոչուած է ՝ Ցարսկայա փողոց (1837-1919); Արամ Մանուկեան փողոց (1919-1921); Սպանդարեան փողոց (1921-1991);
Նախքին անուանում	Ցարսկայա փողոց (1837-1919), Արամ Մանուկեան փողոց (1919-1921), Սպանդարեան փողոց (1921-1991)
Լայնք	10 մ․
Շրջան	Երեւան
Շրջակայք	կեդրոն

Արամի փողոց, փողոց Երեւանի Կեդրոն վարչական շրջանին մէջ։ Կոչուած է Առաջին հանրապետութեան հիմնադիր Արամ Մանուկեանի անունով։ Զուգահեռ է Փաւստոս Բիւզանդի փողոցին։

Տուեալներ

Խանջեան փողոցի հարաւ-արեւելեան հատուածէն ձգած է դէպի Սարեան փողոցի հիւսիս-արեւմտեան հատուած՝ իր մէջ ընդգրկելով Վերնիսաժի տօնավաճառը, Հայաստանի ազգային պատկերասրահի շէնքը, Միսակ Մանուշեան զբօսայգին եւ կը հասնի մինչեւ Մաշտոցի պողոտայ։ Նախկին փողոցը կը շարունակուէր մինչեւ գլխաւոր նամակատուն, սակայն այդ հատուածը 2014-ին վերանուանուած է Կարէն Տեմիրճեանի անունով^[1]։

Ժամանակին Երեւանի ամենահին փողոցներէն մէկն է։

Պատմութիւն

Փողոցը բացուած է 1837-ին եւ կոչուած՝ Ցարսկայա փողոց՝ ի պատիւ Նիկոլայ Ա․ ցարի, որ այդ ժամանակաշրջանին Երեւան կ'այցելէ։ 1919-ին, Առաջին հանրապետութեան արտաքին գործերու նախարար Արամ Մանուկեանի մահէն ետք փողոցը կը վերանուանուի անոր անունով։ Հայաստանի մէջ Խորհրդային կարգերու հաստատումէն յետոյ համաայնավար կառավարութիւնը փողոցը 1921-ին Սուրէն Սպանդարեանի անունով կը վերանուանէ։ 1991-ին, Հայաստանի անկախացումէն յետոյ, փողոցը պաշտօնապէս կը կոչուի Արամի փողոց^[2]։

1917-1919 Արամ Մանուկեան ապրած է Արամի փողոցի 9 հասցէի մէջ տեղակայուած շէնքին մէջ։ Շէնքը կը պատկանի Ֆատէյ Քալանթարեանին, կառուցուած է 1910 թուականին, ճարտարապետ Պորիս Մեհրապեանի կողմէ։

2005-էն շէնքի վերակառուցումը ներառուած է Երեւանի քաղաքապետարանի «Հին Երեւան» ծրագրին մէջ, որու հեղինակը ճարտարապետ Լեւոն Վարդանեանն է^[3]։