Ատնան Պատրան

Ատնան Պատրան
Ծնած է 15 Դեկտեմբեր 1935(1935-12-15) (88 տարեկան)
Ծննդեան վայր Ճարաշ, Յորդանան
Քաղաքացիութիւն  Յորդանան
Գործատու Petra University?
Կրթութիւն Palestine Technical University?
Հորդանանի համալսարան?
Տիրապետած լեզուներ Արաբերէն եւ անգլերէն
Պաշտօն Minister of Agriculture of Jordan? եւ Յորդանանի վարչապետ
Պարգեւներ եւ
մրցանակներ
Ալֆոնս X Իմաստունի շքանշանի մեծ խաչ?

Ատնան Պատրան (արաբ․՝ عدنان بدران ‎‎) 15 Դեկտեմբեր 1935, Jerash, Յորդանան), յորդանանցի գիտնական, ակադեմիկոս, քաղաքական գործիչ: 6 Ապրիլ 2005-էն մինչեւ նոյն տարուան 27 Նոյեմբեր եղած է Յորդանանի վարչապետ:

Կենսագրութիւն, կրթութիւն[Խմբագրել | Խմբագրել աղբիւրը]

Պատրան ծնած է Ճարաշ (Յորդանան), 15 Դեկտեմբեր 1935-ին[1]: Բարձրագոյն կրթութիւնը ստացած է Ամերիկայի Միացեալ Նահանգներուն մէջ, ուր աւարտած է Օքլահոմայի պետական համալսարանը եւ ստացած՝ Պսակաւոր Արուսետից վկայական (BA)։ Ապա յաճախած է Միշիկընի պետական համալասարան, ուրկէ ստացած է Մագիստրոսական կոչում: Միշիկընի համալսարանին մէջ յաջողութեամբ պաշտպանած է իր դոկտորական ատենախօսութիւնը:

Պատրանի եղբայրը՝ Մուտար Պատրան, քաղաքական նշանաւոր գործիչ է Յորդանանի մէջ։ Ան քանի մը անգամ, տարբեր ժամկէտներով, եղած է երկրին վարչապետը[1]:

Պատրանը իր կնոջ՝ Մահայի հետ կ'ապրի Տապուքի մէջ։ Անոնք ունին վեց զաւակ՝ չորս տղայ եւ երկու դուստր:

Փրոֆէսոր եւ քաղաքական գործիչ[Խմբագրել | Խմբագրել աղբիւրը]

1987-ին Պատրան նշանակուած է Յորդանանի գիտութեան եւ ճարտարարուեստի բարձրագոյն խորհուրդի առաջին գլխաւոր քարտուղարը (այդ խորհուրդին նախագահը Նորին արքայական մեծութիւն, արքայազն Հասան պին Թալալն է):

Փրոֆէսոր Պատրան նաեւ եղած է գիւղատնտեսութեան եւ, կարճ ժամանակով, կրթութեան նախարար (1980-ականներուն վերջաւորութեան):1990-ականներուն ան դարձած է Յորդանանի Գիտութիւններու Արաբական Ակադեմիայի եւ Ֆիլատելֆիա Համալսարանին նախագահը եւ մինչեւ այսօր կը վարէ այս զոյգ պաշտօնները: 1992-1998-ին ան նաեւ եղած է ԵՈՒՆԵՍՔՕ-ի տնօրէնի տեղակալ:

7 Ապրիլ 2005-ին Ապտուլլա Երկրորդ թագաւորը Պատրանին նշանակած է նորակազմ կառավարութեան ղեկավար, որ նախորդներու համեմատ պիտի որդեգրէր աւելի արմատական բարեփոխումներու ընթացք մը: Այդ նոր կառավարութեան կազմին մէջ Պատրան եղած է նաեւ պաշտպանութեան նախարար: Սակայն, նորանշանակ կառավարութիւնը ընդամէնը եօթը ամիս ետք ստիպուած էր հրաժարական ներկայացնել՝ բարեփոխումներու դանդաղ ընթացքին եւ Յորդանանի մայրաքաղաք Ամմանի մէջ 5 Նոյեմբեր 2005-ին հիւրանոցի մը ռմբակոծման հետեւանքով առաջացած ճգնաժամին պատճառով[2]:

Վերոնշեալ պաշտօնները զբաղեցնելու կողքին, Պատրան նաեւ եղած է Ամմանի ոչ պետական առաջատար համալսարաններէն մէկուն՝ Փեթրա Համալսարանին նախագահը[3]:

Ծանօթագրութիւններ[Խմբագրել | Խմբագրել աղբիւրը]

  1. 1,0 1,1 «Badran, Adnan»։ Rulers 
  2. «Prof. Adnan Badran»։ IAS։ արխիւացուած է բնօրինակէն-էն՝ 2009-08-13-ին։ արտագրուած է՝ 2018-10-19 
  3. Petra University

Արտաքին յղումներ[Խմբագրել | Խմբագրել աղբիւրը]