Առաքել Հնազանդենց
| Առաքել Հնազանդենց | |
|---|---|
| Ծնած է | անյայտ |
| Մահացած է | անյայտ |
| Ազգութիւն | Հայ[1] |
| Մասնագիտութիւն | կազմող |
Առաքել Հնազանդենց (ծննդեան եւ մահուան թուականները անյայտ են), ԺԳ․ դարու երկրորդ կէսի կազմարար։ Ապրած եւ աշխատած է Կիլիկիա։ Աաշակերտ Սարգիս Քահանայի, 1260-ին կազմած է Կիրակոս Քահանայի տարի մը առաջ օրինակած Աւետարանը: Այս անուանի կազմարարին գործունէութիւնը շարունակուած է Հռոմկլայի Հայրապետանոցին մէջ։
Կազմած է Դրազարկի, Հռոմկլայի, Մաշկեւորի, Մեծքարի եւ այլ գրչութեան կեդրոններու մէջ գրուած ձեռագիրներ։ Ան կազմած է թագաւորական տան անդամներու եւ կաթողիկոսի համար գրուած ձեռագիրները։
Աշխատած է Թորոս Ռոսլինի, նշանաւոր գրիչ Աւետիսի եւ այլոց հետ։ Տիրապետած է կազմարարական բարձր արուեստին, իր ժամանակին եղած է հռչակավոր։
Երեւանի Մատենադարանի չորս ձեռագիրներու մէջ ան յիշուած է, սակայն անոնցմէ միայն մէկուն՝ 1271 թուականի «Մասունք Աստուածաշնչի» կազմն է, որ Առաքել Հնազանդենցի ձեռքով կազմած է (ձեռ. № 199), միւս երեքին (ձեռ, № 234, 468, 9509) կազմերը յետագային փոխուած են։
Ծանօթագրութիւններ
[Խմբագրել | Խմբագրել աղբիւրը]Աղբիւրներ
[Խմբագրել | Խմբագրել աղբիւրը]Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։  |