Աշուղ Ջիւանիի Տուն-Թանգարան
Աշուղ Ջիւանիի Տուն-Թանգարանը՝ մշակութային հաստատութիւն է, որ կը գտնուի Վրաստանի հայաբնակ Կարծախ գիւղին մէջ։
Աշուղ Ջիւանիի տուն-թանգարան | |
|---|---|
.jpg) | |
| Տեսակ | Յուշարձան-թանգարան |
| Երկիր | Վրաստան |
| Տեղագրութիւն | Ջաւախք |
| Վայր | Կարծախ |
| Կազմուած է | Յուշային բաժինէ եւ ցուցասրահէ |
| Տեսակ | Յուշարձան-թանգարան |
| Հիմնադրուած է | 27 Օգոստոս 2016 |
| Հիմնադիր | Յովհաննէս Մութաֆեան |
| Պատուիրող | Ռուսահայ բարերարներ |
| 41°14′48″N 43°16′52″E / 41.246611°N 43.281025°E | |
 | |
 | |
Պատմութիւն
[Խմբագրել | Խմբագրել աղբիւրը]Տունը թանգարանի վերածելու աշխատանքները սկսած են 2014-ին՝ յատուկ յանձնախումբի մը նախաձեռնութեամբ։ Շէնքը գնուած է սեփականատիրոջմէ մը, իսկ վերանորոգման ծախսերը, որոնք կազմած են շուրջ 40 հազար տոլար, հոգացած են Ռուսիոյ մէջ ապրող հայ գործարարները։ Ճարտարապետ Յովհաննէս Մութաֆեանի առաջնորդութեամբ պատրաստուած է յատակագիծը եւ զետեղուած են հնութիւնները։ Թանգարանը պաշտօնապէս բացուած է 27 Օգոստոս 2016-ին ՝ Ջիւանիի տօնին առթիւ[1]։ Յուշային բաժինը վերանորոգուած է XIX եւ XX դարերու աւանդական տուներու յատուկ ոճով։ Կարծախի եւ շրջակայ գիւղերու բնակիչներուն կողմէ հաւաքուած են տնային պիտոյքներն ու իրերը։ 2017-ին, յուշային այս հատուածը եւս բացուած է հանրութեան առջեւ։ Հանդիսութեան ներկայ էին Ախալքալաքի վարչութեան ներկայացուցիչները, բարերարներ, մտաւորականներ եւ նկարիչներ։ Արուեստագէտ Ռուբէն Մաթոսեան իր մէկ մատեանը նուիրած է հաստատութեան[2]:
Ցուցադրութիւն
[Խմբագրել | Խմբագրել աղբիւրը]Թանգարանը կը բաղկանայ երկու բաժիններէ բաղկացած համալիրէ մը։ Առաջինը այն տունն է, ուր ծնած ու մեծցած է Ջիւանին, իսկ միւսը ցուցասրահն է, ուր ներկայացուած են արխիւային պատկերներ ու փաստաթուղթեր[1]։ Ցուցասրահին կեդրոնը զետեղուած է Ջիւանիի կիսանդրին։ Անոր աջ կողմը պատկերուած է ջութակ մը, իսկ ձախին՝ քամանչա մը։ Կիսանդրիին ետնապատը յարդարուած է ծիրանենիի պատկերներով , որոնց վերեւ Ջիւանիի ձեռագիրով արձանագրուած է «Հովիկ» երգը։ Հոս զետեղուած են նաեւ հայ եւ օտար անուանի անձնաւորութեանց լուսանկարները, որոնք սերտ կապեր ունեցած են աշուղին կեանքին ու վաստակին հետ։ Ցուցադրութիւնը կը փակուի Ջիւանիի մահարձանին լուսանկարներով եւ 1997-ին Երեւանի մէջ հիմնուած աշուղական վարժարանի, Ջիւանիի անունով կոչուած փողոցներու եւ յուշարձաններու պատկերներով[3]։
Ծանօթագրութիւններ
[Խմբագրել | Խմբագրել աղբիւրը]- 1 2 «ՋԻՎԱՆՈՒ ՏՈՒՆ-ԹԱՆԳԱՐԱՆԻ ՀԱՆԴԻՍԱՎՈՐ ԲԱՑՈՒՄԸ` ՋԱՎԱԽՔՈՒՄ (ԼՈՒՍԱՆԿԱՐՆԵՐ)»։ Hraparak (հայերեն)։ 2016-08-27։ արխիւացուած է բնօրինակէն-էն՝ 2019-05-28-ին։ արտագրուած է՝ 2020-10-24
- ↑ «Իր դռները բացեց Աշուղ Ջիվանու տուն-թանգարանի հուշային հատվածը»։ JAH (հայերեն)։ 2017-08-28։ արխիւացուած է բնօրինակէն-էն՝ 2020-02-20-ին։ արտագրուած է՝ 2020-10-24
- ↑ «Ջավախքում բացվեց աշուղ Ջիվանու տուն-թանգարանը» (հայերեն)։ արխիւացուած է բնօրինակէն-էն՝ 2016-09-07-ին։ արտագրուած է՝ 2016-09-09