Աննա Փաուլա տոս Սանթոշ
| Աննա Փաուլա տոս Սանթոս Ana Paula dos Santos | |
|---|---|
 Անկոլայի Առաջին Տիկին 1991-2017 | |
| Ծնած է | 17 Հոկտեմբեր 1963 |
| Ծննդավայր | Լուանտա, Անկոլա |
| Քաղաքացիութիւն |
 Անկոլա |
| Ուսումնավայր | Ակոսթինիօ Նեթօ համալսարան |
| Մասնագիտութիւն | նորաձեւութեան կերպար և ուղեկցորդ |
| Վարած պաշտօններ | Անկոլայի առաջին տիկին |
| Կուսակցութիւն | Անկոլայի ազատագրութեան ժողովրդական շարժում |
| Ամուսին | Ժոզէ Էտուարտօ տոս Սանթոշ |
Անա Փաուլա Քրիստովաօ Լեմոս տոս Սանթոշ ([ˈɐnɐ ˈpawlɐ ðuʃ ˈsɐ̃tuʃ], ծնած 17 Հոկտեմբեր 1963-ին), Անկոլայի նախկին նախագահ Ժոզէ Էտուարտօ տոս Սանթոշի այրին է։ Ան 1991-էն մինչեւ 2017 Անկոլայի առաջին տիկինն էր։
Առաջին տարիներ եւ կրթութիւն
[Խմբագրել | Խմբագրել աղբիւրը]Անա Փաուլա Քրիստովաօ Լեմոս տոս Սանթոշ ծնած է Լուանտա, Անկոլա, 1963-ին։ Ան եղած է նորաձեւութեան մոտել եւ Անկոլայի նախագահական օդանաւին օդանաւորդուհին էր երբ հանդիպեցաւ իր ապագայ ամուսնոյն՝ Ժոզէ Էտուարտօ տոս Սանթոշին։
Ասպարէզ
[Խմբագրել | Խմբագրել աղբիւրը]1990-էն 1994, Անա Փաուլա աւարտած է պետական ուսուցչական փորձավարժութիւնը Լուանտայի Ազգային Կրթութեան Հիմնարկին մէջ։ Աւելի ետք ան վերջացուցած է իրաւագիտութեան դասընթացք մը Ակուստինիօ Նեթօ Համալսարանի Իրաւագիտութեան բաժնին մէջ։ 1991-էն մինչեւ 2017 եղած է Անկոլային առաջին տիկինը։
Անձնական կեանք
[Խմբագրել | Խմբագրել աղբիւրը]Անա Փաուլա Քրիսթովաօ Լեմոս 17 Մայիս 1991-ին ամուսնացած է Ժոզէ Էտուարտօ տոս Սանթոշին հետ եւ երեք զաւակներու մայր է՝ Էտուանէ Տանիլոօ տոս Սանթոշ (ծնած՝ 29 Սեպտեմբեր 1991), Ժոզէանա տոս Սանթոշ (ծնած՝ 5 Ապրիլ 1995) եւ Էտուարտօ Պրենօ տոս Սանթոշ (ծնած՝ 2 Հոկտեմբեր 1998)։
Դիւանագէտ մը նախագահն ու առաջին տիկինը նկարագրած է իբրեւ՝ «գեղեցիկ զոյգ մը, նրբաճաշակ ու ծախսալից զգեստաւորուած, կարծես կ'ապրին հարաւային Քալիֆորնիա»: 1997-ին, Անա Փաուլա անդիւանագիտակ յայտարարութիւն ըրած է, ըսելով թէ իր հինգ տարեկան տղան պիտի յաճախէր Լուանտայի փորթուկալական վարժարանը պետական կրթութեան «վատ որակին» պատճառով (որուն համար շատեր իր մարդը կը մեղադրեն)։ Ան նաեւ փորձած է իր ներկայութիւնը զգալի դարձնել վարչական հարցերու մէջ. քայլ մը, որ գրգռած է քաղաքական հիմնական հոսանքը: Նաեւ հարուածի տակ են իր առեւտրական շահերը, յատկապէս ադամանդները։
Տոս Սանթոշ գիւղական կանանց աջակցելու կոմիտէի (COMUR) հովանաւորն է՝ մանր վարկերու միջոցներով աջակցիլ։ Ան ներկայացուց իր երկիրը Ուաշինկթընի մէջ 1997-ին տեղի ունեցած Պետութիւններու եւ Կառավարութիւններու ղեկավարներու Մանր Վարկերու Գագաթնաժողովին։
Անա Փաուլա Տոս Սանթոշ պաշտպանած է ցամաքային ականներու զոհերը։ Ան հիմնադրած է ընկերային համերաշխութեան համար Լուինի Հիմնադրամը ,, որ նուիրուած է քաղաքացիներու, մասնաւորապէս կանանց եւ երեխաներու աջակցութեան։