Աննա Կասեան
| Աննա Կասեան | |
|---|---|
| Ծնած է | 7 Հոկտեմբեր 1981 (44 տարեկան) |
| Ծննդավայր | Թիֆլիս, Խորհրդային Միութիւն |
| Քաղաքացիութիւն |
 Խորհրդային Միութիւն և  Վրաստան |
| Ուսումնավայր | Փարիզի Նորմալ երաժշտական դպրոց? |
| Տեսակ | օփերա |
| Մասնագիտութիւն | օպերային երգչուհի |
| Կայքէջ | annakasyan.com |
Աննա Կասեան (7 Հոկտեմբեր 1981, Թիֆլիս, Խորհրդային Միութիւն), ազգութեամբ հայ, օփերայի երգչուհի (սոփրանօ)։ Վրացական ծագում ունի, կը բնակի Փարիզի մէջ։ Բազմաթիւ միջազգային երաժշտական մրցոյթներու դափնեկիր։ Դուստրն է Յովհաննէս Կասեանի:
Երաժշտական Կրթութիւն
[Խմբագրել | Խմբագրել աղբիւրը]Երաժշտական կրթութիւնը ստացած է սորվելով դաշնամուր եւ ջութակ Թիֆլիսի շնորհալի երեխաներու կեդր
ոնական երաժշտական դպրոցին մէջ։ Փոքր տարիքէն ան մասնակցած է բազմաթիւ ներկայացումներու, որպէս մենակատար։ Ինը տարեկանին ան իր առաջին ելոյթը կ'ունենայ նուագախումբի հետ։ 1999-ին Կասեանը կ'ընդունուի Թիֆլիսի պետական երաժշտանոց՝ ջութակի դասարան։ Այդ ժամանակ ան կը սկսի հետաքրքրուիլ երգեցողութեամբ, եւ 2001 թուականին կը շարունակէ երգեցողութիւն սորվիլ նոյն երաժշտանոցէն ներս՝ փրոֆեսոր Սւետլանա Եգորովայի մօտ։
Երաժշտական կրթութիւնը աւարտելէ ետք, Կասեան ուսումը կը շարունակէ Ֆրանսայի մէջ։ 2003 թուականէն ան կը յաճախէ երգեցողութեան դասընթացքներու՝ Փարիզի «Ecole Normale de Musique»-ի մէջ[1], ուր աւարտելէ ետք, 2008 թուականին՝ կը ստանայ բարձրագոյն կոնցերտիստի տիպլոմ՝ միաձայն հաստատումով։ Ուսման հետ զուգահեռ՝ 2004-2006 թուականներուն Կասեան նաեւ կ'ընդունուի Փարիզի երաժշտանոցի «cycle du perfectionnement» մասնագիտական բաժինը: Կասեան կը մասնակցի Թոմ Կրաուզէի, Ռայնա Կապայիվանսկայի, Վիորիկա Կորտէսի, Ժանին Ռէյսի վարած վարպետութեան դասերուն, ինչպէս նաեւ բարոկկօ երաժշտութեան դասերու՝ Նիքոլաու տէ Ֆիգեյրէդոյի եւ Ժորի Վինիկուրի մօտ:
Երաժշտական Գործունէութիւն
[Խմբագրել | Խմբագրել աղբիւրը]Կասեանի Երգացանկը կը ներառէ Ռոզինայի («Սեւիլեան սափրիչ», Ռոսսինի), Ցեռլինայի («Տոն Ժուան», Մոցարտ), Նորինայի («Տոն Պասկուալէ» Դոնիցետտի) եւ այլ դերերգեր։
Համերգներով հանդէս կու գայ Կարնէգի սրահին մէջ, Ժընեւի օփերային մէջ, Սան Փեթերզպուրկի ֆիլhարմոնիկ դահլիճին մէջ, Փարիզի Սալէ Կորտօ սրահին մէջ եւ այլն։
Մրցանակներ Եւ Անուանակարգեր
[Խմբագրել | Խմբագրել աղբիւրը]Կասեանը բազմաթիւ միջազգային մրցոյթներու մրցանակակիր է, ինչպէս՝ Սան Մարինոյի մէջ տեղի ունեցած Ռենատա Տեբալտիի անուան առաջին միջազգային մրցոյթին (կազմակերպուած է Ռենատա Տեբալտի հիմնադրամի կողմէ 2005 թուականին, երկրորդ մրցանակ), Ադամսի երգեցողութեան երաժշտական աշնանային փառատօնին արժանացած է առաջին մրցանակի, ապա՝ Պրետորիայի մէջ տեղի ունեցած երգեցողութեան մրցոյթին առաջին մրցանակի: Ան Մեյերի հիմնադրամի մրցանակին դափնեկիրն է 2004-2005 թուականներուն։
Կասեանը ընտրուած է Ատամիի (Արուեստագէտներու, երաժիշտներու եւ կատարողներու իրաւունքներու կառավարման ընկերութիւն) կողմէ՝ Revelations Classics 2006-ի համար[2]։
Մայիս 2008-ին ան մասնակցած է Պելճիքայի մէջ տեղի ունեցած Եղիսաբէթ թագուհիի անուան միջազգային երաժշտական մրցոյթին: Ան հիանալի ելոյթ ունեցած է, եւ մրցոյթը յաջող ընթացք ունեցած է Կասեանի համար: Մրցոյթին մասնակցելու իրաւունք ունեցող 72 թեկնածուներէն ընտրուած է 24-ը: Կասեանը մասնակցած է կիսաեզրափակիչ մրցոյթին 13 Մայիս 2008-ին։ Կիսաեզրափակիչի աւարտին ան 12 եզրափակիչ անցածներէն մէկն էր, ապա դարձաւ 4-րդ մրցանակի դափնեկիր այս շատ հեղինակավոր մրցոյթին, որ տեղի կ'ունենայ չորս տարին անգամ մը:
12 Յունիս 2009-ին Աննա Կասեանը արժանացաւ Գրան Պրիի Պարպարա Հենդրիքսի նախագահութեամբ Ստրազպուրկի 71-րդ երաժշտական փառատօնի 3-րդ միջազգային երգեցողութեան մրցոյթին։
2010 թուականին Աննա Կասեանը առաջադրուած է «Victoires de la Musique Classique» մրցանակի։
2012 թուականին Աննա Կասեանը «Ararat»-ի կողմէ ընդգրկուած է 50 ամենաազդեցիկ երգիչներու շարքին մէջ։
Կատարումներ
[Խմբագրել | Խմբագրել աղբիւրը]Աշխոյժ կատարող ըլլալով՝ Կասեանը երգած է այնպիսի հեղինակաւոր դահլիճներու մէջ, ինչպիսին են՝ Քարնեքի Հոլը, Ժընեւի օփերան, Սան Փեթերզպուրկը, Փարիզի Սալ Կորտոն, ԵՈՒՆԵՍԿՕ-ն, Սիտէ Տը Լա Միւզիքը, նաեւ համերգներ տուած է Սան Մարինոյի եւ Իտալիոյ մէջ։
Դեկտեմբեր 2005 թուականին, ան Մոցարտի «Ռեքվիեմ»-ի նշանակալի ստեղծագործութիւնը կատարած է Փարիզի Սուրբ Եւստաշ եկեղեցւոյ մէջ։
2006 թուականին, ան Փարիզի մէջ երգած է Ռախմանինովի-Սկարլաթի-Հենտելի ստեղծագործութիւնները։ Թուլուզի մէջ, Մոցարտի համերգէն առաջ ան նաեւ կատարած է հայ երաժշտագէտ Կարպիս Աբրիկեանի ստեղծագործութիւնները։ Անոր տաղանդը կրկին պարգեւատրուած է 2006 թուականին, երբ ան ստացած է օփերային անուանակարգի 3-րդ մրցանակը, Մոցարտի մրցանակը եւ «Լաւագոյն օփերային երգչուհի» մրցանակը Միւնխենի «ARD» միջազգային երաժշտական մրցոյթին, ինչպէս նաեւ առաջին երգի մրցանակը Բամբլոնայի միջազգային մրցոյթին։
2007 թուականին ան ելոյթ ունեցած է Պազէլի մէջ, ուր կատարած է Շուպերթի երգեր եւ ֆրանսական օփերայի արիաներ։ Կասեանը նաեւ Մոցարտի շարք մը համերգներ տուած է Վարշավայի մէջ, Զիւրիխի, Օսնաբրիւքի, Բամբլոնայի եւ Թուլուզի մէջ, ինչպէս նաեւ համերգներ տուած է Նիսի Սրբազան Երաժշտութեան Փառատօնին եւ Թուլոնի օփերային մէջ («Jano in Jenufa»)։
Վերջերս անոր նշանակալի դերերէն են Զերլինան Մոցարտի «Տոն Ժուան» օպերայում, Տեսպինան Մոցարտի «Ինչպես բոլորը անում են», Ռոզինան Ռոսսինիի «Սեւիլեան Սափրիչը» եւ Նորինան Տոնիցեթիի «Տոն Փասքուալ» օփերային։
Սեպտեմբեր 2019-ին, Պարիթոն Ադամ Պարոյի հետ ան ղեկավարած է Փարիզի Մատլէն եկեղեցւոյ մէջ Կոմիտասին նուիրուած համերգ։
Ծանօթագրութիւններ
[Խմբագրել | Խմբագրել աղբիւրը]- ↑ «Queen Elisabeth Competition – Biographical note, "Anna Kasyan". Queen Elisabeth Competition website, 20 July 2008.» (անգլերէն)։ արխիւացուած է բնօրինակէն-էն՝ 23 July 2011-ին։ արտագրուած է՝ 14 July 2009
- ↑ «ADAMI – Revelations Classiques, "Pablo Casals Festival of Prades". ADAMI, 27 July 2008.» (անգլերէն)[permanent dead link]