Այծեմնիկ Զարդարեան

Jump to navigation Jump to search

Այծեմնիկ Զարդարեան (1909, Կ. Պոլիս - անյայտ), հայ քանդակագործուհի։

Ծնած է Կ. Պոլիս։ Փոքր հասակէն ծնողներուն հետ տեղափոխուած է Եգիպտոս, ուր ստացած է նախնական կրթութիւնը՝ Գահիրէի Ազգային վարժարանէն ներս։ 1926-էն հետեւած է տեղի «Տանթէ Ալիկիերի» ընկերութեան Լէոնարտօ տա Վինչիի անուան իտալական գեղարուեստական ուսումնարանի քանդակագործական բաժինի դասընթացքներուն, աւարտած է 1930-ին։ Տակաւին ուսանողական տարիներուն մասնակցած է ցուցահանդեսներու՝ շարք մը քանդակներով, որոնցմէ մամուլը բարձր գնահատած է «Աստուածամայրը» եւ «Առիւծը»։ Պատրաստած է նաեւ Զօրավար Անդրանիկի հարթաքանդակ կիսանդրին։

Աղբիւր[Խմբագրել | Խմբագրել աղբիւրը]

  • Գառնիկ Ստեփանեան, «Կենսագրական բառարան», հատոր Ա., Երեւան 1973, էջ 319։