Jump to content

Ամիր Հատտատ

Ամիր Հատտատ
ֆրանսերէն՝ Amir Haddad
Ծննդեան անուն ֆրանսերէն՝ Laurent Amir Khlifa Khedider Haddad
Նաեւ յայտնի է իբրեւ Amir
Ծնած է 20 Յունիս 1984(1984-06-20) (42 տարեկան)
Ծննդավայր Փարիզ, Իլ տը Ֆրանս, Ֆրանսա
Քաղաքացիութիւն  Ֆրանսա և  Իսրայէլ
Ազգութիւն Maghrebi Jews?
Տեսակ փոփ երաժշտութիւն
Մասնագիտութիւն Հեղինակ ու կատարող, ստուդիական երաժիշտ, երգիչ, երգահան և փոփ երգիչ
Կայքէջ Lua error in Մոդուլ:Wikidata at line 1072: attempt to call field 'formatUrlSingle' (a nil value).

Լորան Ամիր Խալիֆա Խետիտեր Հատտատ[1] (եբրայերէն՝ לורן עמיר חליפה חדידר חדד, ֆրանսերէն՝ Amir Haddad, 20 Յունիս 1984(1984-06-20), Փարիզ, Իլ տը Ֆրանս, Ֆրանսա[2], ծնած՝ 20 Յունիս 1984-ին)[3], աւելի յայտնի որպէս Ամիր Հատտատ (եբրայերէն՝ עמיר חדד) կամ պարզապէս Ամիր, ֆրանս-իսրայէլացի երգիչ-երգահան եւ դերասան է[4]։ Ան 2006 թուականին մասնակցած է իսրայէլեան «Քոխաւ Նոլատ» երաժշտական մրցոյթին, 2011-ին հրապարակած է իր «Վայեհի» ձայնապնակը, ինչպէս նաեւ հասած է ֆրանսական «Տը Վոյս» (The Voice: la plus belle voix) մրցոյթի աւարտական փուլին՝ երգչուհի Ժենիֆերի խումբին հետ գրաւելով երրորդ դիրքը։ Ան ներկայացուցած է Ֆրանսան 2016 թուականի Եւրատեսիլ երգի մրցոյթին «Ժէ շերշէ» երգով, որ գրաւած է վեցերորդ տեղը։

Կենսագրական գիծեր[5]

[Խմբագրել | Խմբագրել աղբիւրը]

Ծնած է Փարիզ, Ֆրանսա, թունուզեան եւ մարոքեան արմատներով մաղրեպցի հրեայ ծնողներէ[6]։ Ան մեծցած է Սարսել եւ 1992-ին՝ ութ տարեկան հասակին, «Ալիա»-ի ծիրէն ներս գաղթած է Իսրայէլ. ընտանիքը հաստատուած է Թել Աւիւի հիւսիսը գտնուող Հերցլիա քաղաքին մէջ։ Ան փոքր տարիքէն երգած է ժողովարանին մէջ եւ զանազան հասարակական ձեռնարկներու ընթացքին։

Ամիր ի ծնէ խուլ է աջ ականջէն[7][8]։

Ասպարէզ[9]

[Խմբագրել | Խմբագրել աղբիւրը]

2006–2013 - «Քոխաւ Նոլատ» եւ «Վայեհի»

[Խմբագրել | Խմբագրել աղբիւրը]

Ան ճանաչում ձեռք բերաւ 2006 թուականին՝ իր մասնակցութեամբ իսրայէլեան երգի «Քոխաւ Նոլատ» (եբրայերէն՝ כוכב נולד, «Աստղ մը ծնաւ»)[10] մրցոյթի չորրորդ եղանակին, որ կը նկատուի «Փոփ Այտըլ»-ի իսրայէլեան տարբերակը եւ տեղի ունեցաւ 2006-ի Մայիսէն Սեպտեմբեր։ Ան առաջին թեկնածուն էր, որ փորձարկումներու ընթացքին գլխաւորաբար ֆրանսերէն երգեր երգեց։ Ան անցաւ 4 փուլ, որմէ ետք դուրս մնաց մրցոյթէն[11]։

Այդ եղանակի յաղթողը հանդիսացաւ Ճաքօ Այզընպըրկը։ Թէեւ ան չյաղթեց մրցոյթին, սակայն աւարտեց իր պարտադիր զինուորական ծառայութիւնը Իսրայէլի պաշտպանութեան բանակին մէջ եւ շարունակեց ատամնաբուժութեան ուսումը Երուսաղէմի Եբրայական համալսարանին մէջ՝ վկայուելով 2012 թուականին։ Անոր «Քաշէ լիմցօ միլիմ» երգը, որ Փաթրիք Պրուելի ֆրանսական հանրայայտ «Ժը թը լը տի քան մեմ» երգի եբրայերէն տարբերակն է, ներկայացուեցաւ տեսահոլովակով մը։ Պրուել այնքան սիրեց Ամիրի մատուցումը, որ զինք հրաւիրեց միասին երգելու զայն 23 Մայիս 2008-ին Ռանանա փարքին մէջ տեղի ունեցած մեծ ձեռնարկի մը ընթացքին՝ 8000 հանդիսատեսի առջեւ։ Ան նոյն երգը դարձեալ կատարեց աւելի ուշ՝ 27 Մայիս 2013-ին Փարիզի մէջ, Անաէլ Լետորոթի յարգանքի տուրքի հանդիսութեան ընթացքին։

2011 թուականին, Ամիր Հատտատ հրապարակեց իր անդրանիկ ստուդիական ձայնապնակը՝ «Վայեհի»-ն, որուն համահեղինակներն էին ինք եւ Օմրի Տականը[12]՝ համալսարանական տարիներուն[13]։ Ձայնապնակը կը ներառէր նաեւ «Քաշէ լիմցօ միլիմ» երգի արդէն իսկ սիրուած տարբերակը։ Ան նաեւ վերակենդանացուց ֆրանսացի երգչուհի Միլէն Ֆարմըրի 1990-ականներու հանրայայտ «Տեզանշանթէ» երգը։ Հատտատի տարբերակի արտադրիչը եղաւ իսրայէլացի յայտնի արտադրիչ Օֆեր Նիսիմը[14]։ Այս բոլորին զուգահեռ, ան շարունակեց հետեւիլ երաժշտութեան հանդէպ իր կրքոտ սիրոյն։

Մրցոյթի աւարտին, Հատտատ պայմանագրութիւն մը ստորագրեց ֆրանսական ձայնագրման ընկերութեան մը հետ՝ լայն համակիրներու շրջանակ ստեղծելով Ֆրանսայի, Զուիցերիոյ, Միացեալ Նահանգներու եւ Պրազիլի մէջ, իբրեւ յաւելում Իսրայէլի։ Ան համագործակցեցաւ շարք մը արուեստագէտներու հետ, որոնցմէ յատկանշական են Շլոմի Շապաթը, Հայիմ Մոշէն, Տուտու Ահարոնը, Կատ Էլպազը եւ Էյալ Կոլանը։

2014–2015 - «Տը Վոյս»

[Խմբագրել | Խմբագրել աղբիւրը]

2014 թուականին, ան մասնակցեցաւ ֆրանսական «Տը Վոյս» հեռուստաշարքի 3-րդ եղանակին[15][16], որ կը հեռարձակուէր «Թէ-Էֆ-1» (TF1) կայանէն՝ 11 Յունուար 2014-էն մինչեւ 10 Մայիս 2014։ Կոյր լսումներու ընթացքին, Հատտատ երգեց Էլթըն Ճոնի «Քենտըլ Ին Տը Ուինտ» երգը, որուն ժամանակ բոլոր չորս մարզիչները՝ Կարուն, Միքան, Ժենիֆերը եւ Ֆլորան Փանին, դարձուցին իրենց աթոռները[17]։ Հատտատ նախընտրեց միանալ Ժենիֆերի խումբին[18]։ Ան հասաւ մինչեւ աւարտական փուլ, ուր գրաւեց երրորդ տեղը։

Ծանօթագրութիւններ

[Խմբագրել | Խմբագրել աղբիւրը]
  1. ↑ (անգլերեն) Amir Haddad, 2026-07-12, https://en.wikipedia.org/w/index.php?title=Amir_Haddad&oldid=1363811617, վերցված է 2026-07-14
  2. ↑ «Amir : biographie, actus, photos et vidéos sur Voici.fr»։ www.voici.fr (ֆրանսերէն)։ արտագրուած է՝ 2026-07-09
  3. ↑ "Le Parisien: Amir, le Sarcellois devenu star en Israël". Retrieved 15 May 2014.
  4. ↑ «Cool Israel: Le franco-israélien Amir Haddad tape dans l'œil de Jenifer» (անգլերէն)։ արխիւացուած է բնօրինակէն-էն՝ 2015-02-08-ին։ արտագրուած է՝ 2014-05-15
  5. ↑ (անգլերեն) Amir Haddad, 2026-07-12, https://en.wikipedia.org/w/index.php?title=Amir_Haddad&oldid=1363811617, վերցված է 2026-07-14
  6. ↑ "סבתות מתות עלי" Archived 2016-03-03 at the Wayback Machine. Lua error in package.lua at line 80: module 'Module:Language/data/iana variants' not found.
  7. ↑ "Eurovision 2016 – Amir Haddad : 5 things to know about the finalist "The Voice" | Appnews.be Blogging about Anything From Hightech to Politics". Archived from the original on 21 February 2020. Retrieved 4 May 2016.
  8. ↑ "Eurovision 2016 – Amir Haddad : 5 choses à savoir sur le finaliste "The Voice"". www.purepeople.com. 29 February 2016. Archived from the original on 1 March 2016. Retrieved 5 May 2016.
  9. ↑ (անգլերեն) Amir Haddad, 2026-07-12, https://en.wikipedia.org/w/index.php?title=Amir_Haddad&oldid=1363811617, վերցված է 2026-07-14
  10. ↑ Tribune Juive: Amir Haddad : chercher sa voix Archived 17 August 2014 at the Wayback Machine. Lua error in package.lua at line 80: module 'Module:Language/data/iana variants' not found.
  11. ↑ "סבתות מתות עלי" Archived 2016-03-03 at the Wayback Machine. Lua error in package.lua at line 80: module 'Module:Language/data/iana variants' not found.
  12. ↑ "Cool Israel: Le franco-israélien Amir Haddad tape dans l'œil de Jenifer". Archived from the original on 8 February 2015. Retrieved 15 May 2014.
  13. ↑ "Kol Records: Amir Haddad biography". Archived from the original on 22 May 2016. Retrieved 15 May 2014.
  14. ↑ "Kol Records: Amir Haddad biography". Archived from the original on 22 May 2016. Retrieved 15 May 2014.
  15. ↑ Tribune Juive: Amir Haddad : chercher sa voix Archived 17 August 2014 at the Wayback Machine. Lua error in package.lua at line 80: module 'Module:Language/data/iana variants' not found.
  16. ↑ Ynet: הישראלי עמיר חדד ב-"The Voice" צרפת Archived 6 March 2016 at the Wayback Machine. Lua error in package.lua at line 80: module 'Module:Language/data/iana variants' not found.
  17. ↑ PurePeople: The Voice: Amir propulse Candle in the wind, et Louis Delort tente une percée Archived 22 July 2016 at the Wayback Machine. Lua error in package.lua at line 80: module 'Module:Language/data/iana variants' not found.
  18. ↑ PurePeople: The Voice: Amir propulse Candle in the wind, et Louis Delort tente une percée Archived 22 July 2016 at the Wayback Machine. Lua error in package.lua at line 80: module 'Module:Language/data/iana variants' not found.
Վերցուած է «https://hyw.wikipedia.org/w/index.php?title=Ամիր_Հատտատ&oldid=252711» էջէն