Ալպերթ Աղազարեան

Jump to navigation Jump to search
Ալպերթ Աղազարեան
Ծնած է 1950-ին
Մահուան վայր Երուսաղէմ
Մասնագիտութիւն Պատմաբան , երուսաղէմագէտ
Աշխատավայր պատմութեան դասախօս
Պարգեւներ եւ
մրցանակներ
Պարգեւատրուած է Պելճիքայի թագաւորին կողմէ

Ալպերթ Աղազարեան (1950, Երուսաղէմ - 3օ Յունուար 2020, Երուսաղէմ[1]), պատմաբան, երուսաղէմագէտ: Պատմաբան Ալպերթ Աղազարեան հիմնական դերակատարութիւն ունեցած է իր աշխատութիւններով Երուսաղէմի պաղեստինեան պատկանելիութիւնը ապացուցելու առումով: Ան կը տիրապետէր արաբերէն, անգլերէն, ֆրանսերէն, հայերէն, Եբրայերէն, թրքերէն, եւ սպաներէն լեզուներուն:

Կենսագրութիւն[Խմբագրել | Խմբագրել աղբիւրը]

Պատմաբան Ալպերթ Աղազարեան 1970-ին աւարտած է Պիրզեթ համալսարանը, 1979-ին ստանձնած է նոյն համալսարանի ընդհանուր յարաբերութեանց գրասենեակի տնօրէնութիւնը մինչեւ 2002, եւ եղած է պատմութեան դասախօս:

1972-ին Պէյրութի Ամերիկեան համալսարան (AUB) ստացեր է Քաղաքագիտութեան պսակաւոր արուեստի աստիճան:

1979 -ին Ուաշինկթըն ԱՄՆ Georgetown համալսարանը աւարտելէ ետք ստացեր է Արաբական և իսլամական հետազօտութիւններու մագիստրոսի կոչումը :

Ուսումնասիրութիւններ[Խմբագրել | Խմբագրել աղբիւրը]

Ունի բազմաթիւ ուսումնասիրութիւններ, պատմագիտական յօդուածներ, տուած է անհամար դասախօսութիւններ:

Երուսաղէմի մասին անոր հրատարակութիւնները մեծաթիւ չեն, սակայն ան ծանօթ է իբրեւ աշխարհի լաւագոյն երուսաղէմագէտը:

Պարգեւատրում[Խմբագրել | Խմբագրել աղբիւրը]

Պարգեւատրուած է Պելճիքայի թագաւորին կողմէ` Պաղեստինեան դատը միջազգային հարթակներու վրայ լաւապէս ներկայացնելուն եւ անոր տարածման մէջ իր ներդումը ունենալուն համար:

Պաղեստինեան իշխանութեան մշակոյթի նախարարութիւնը[Խմբագրել | Խմբագրել աղբիւրը]

Պաղեստինեան իշխանութեան մշակոյթի նախարարութիւնը բարձր գնահատած է Ալպերթ Աղազարեանի ներդրումը Երուսաղէմը պատմական դիտանկիւնէ ծանօթացնելու գործին մէջ։ Անոր մահուան առիթով նախարարութիւնը յատուկ յայտարարութեամբ մը նշած է, թէ պաղեստինցի ժողովուրդը կորսնցուցած է միջազգային հարթակներու եւ մակարդակի վրայ Պաղեստինեան դատի ամէնէն թունդ պաշտպաններէն մէկը:

Պաղեստինեան իշխանութեան նախագահ Մահմուտ Ապպաս ցաւակցութիւն յայտնեց պաղեստինցի ժողովուրդին` «պաղեստինեան ազգային իրաւունքներու պաշտպան Ալպերթ Աղազարեանի» մահուան առիթով:

Ծանօթագրութիւններ[Խմբագրել | Խմբագրել աղբիւրը]

  1. «Keghart.com»։ Keghart.com (անգլերեն)։ արտագրուած է՝ 2020-03-30 

Աղբիւրներ[Խմբագրել | Խմբագրել աղբիւրը]

Տե՛ս նաեւ[Խմբագրել | Խմբագրել աղբիւրը]