Ազգային Հնագիտական Թանգարան (Լիզպոն)

Jump to navigation Jump to search

38°41′50″N 9°12′25″W / 38.69728°N 9.20706°W / 38.69728; -9.20706

Ազգային հնագիտական թանգարան (փորթ.՝ Museu Nacional de Arqueologia), հնագիտական թանգարան Փորթուկալի մայրաքաղաք Լիզպոնի մէջ: Այն հնագիտութեան նուիրուած Փորթուկալի կարեւորագոյն թանգարաններէն է եւ հնագիտական ուսումնասիրութեան ամենակարեւոր կեդրոնը: Թանգարանը ունի բազմաբովանդակ ցուցանմոյշներու հաւաքածոներ՝ ամբողջ աշխարհէն: 2014-ին թանգարանը ունեցած է 10136 այցելու[1]:

Պատմութիւն[Խմբագրել | Խմբագրել աղբիւրը]

Հիմնադրուած է 1893-ին ականաւոր հնագէտ Խոսէ Լեիտէ տէ Վասկոնսելոսի կողմէ, եւ 1903-էն ի վեր կը գտնուի Պելեմ շրջանի Ժերոնիմուշ վանական համալիրին արեւմտեան թեւի տարածքին: Թանգարանին շէնքը եղած է վանականներու հանրակացարանը: 19-րդ դարու երկրորդ կիսուն այն վերափոխուած է մանուէլինօ ոճով:

Նկարագրութիւն[Խմբագրել | Խմբագրել աղբիւրը]

Թանգարանի մուտքին մօտ տեղադրուած են լուզիտանացի զինուորներու երկու կրանիթէ արձաններ, որոնք կը թուագրուին Ա. դարուն եւ բերուած են Հիւսիսային Փորթուկալէն:

Մշտական ցուցադրութիւնը բաժնուած է եգիպտական հնութիւններու եւ փորթուկալական հնագիտական գանձերու հաւաքածոյի, որ հիմնականին բաղկացած է Պրոնզէ եւ Երկաթէ դարաշրջաններու մետաղական աշխատանքներէն: Թանգարանը ունի նաեւ հռոմէական խճանկարներու փորթուկալական ամենակարեւոր հաւաքածոն, բերուած գլխաւորաբար Հարաւային Փորթուկալէն:

Բացի մշտական հաւաքածոյէն, թանգարանը յաճախ կը կազմակերպէ ժամանակաւոր ցուցահանդէսներ, որոնք կ՛ընդգրկեն տարբեր նիւթեր:

Պատկերասրահ[Խմբագրել | Խմբագրել աղբիւրը]

Ծանօթագրութիւններ[Խմբագրել | Խմբագրել աղբիւրը]

  1. «Número de visitantes do MNA em crescimento»։ Blog Museu Nacional de Arqueologia 

Արտաքին յղումներ[Խմբագրել | Խմբագրել աղբիւրը]