Ագրիկ Քէրէսթէճեան
| Ագրիկ Քէրէսթէճեան | |
|---|---|
| Ծնած է | 1883 |
| Ծննդավայր | Իզմիր, Զմիւռնիոյ սանճաք |
Ագրիկ Քէրէսթէճեան ― Ծն․Իզմիր 1883-ին եւ հոն ստացած իր ուսումը։ Երկար ատեն ծառայած է թուրք մամուլին, գլխաւորաբար «Թասֆիրը էֆքեար»ի խմբագրութեան։ Տարագրուած՝ լրագրող եւ իթիլաֆական մը ըլլալուն, հայ հռոմէական, Բերայէն, կը ճանչցուէր նաեւ «Գէորգ ֆէրիտ» յորջորջումով։
Կեանքն ու գործունէութիւնը
[Խմբագրել | Խմբագրել աղբիւրը]Ծնած է 1883-ին, Իզմիր (Զմիւռնիա), ուր ստացած է իր նախնական ու երկրորդական ուսումը։ Կը պատկանէր Հայ Կաթողիկէ (Հայ Հռոմէական) համայնքին եւ երկար տարիներ ապրած ու գործած է Պոլսոյ Բերա (Pera) թաղամասին մէջ։
Ան եղած է լրագրող եւ հմուտ հանրային գործիչ, որ գերազանցօրէն կը տիրապետէր օսմաներէնին։ Երկար տարիներ պաշտօնավարած եւ աշխատակցած է օսմանեան գլխաւոր թերթերուն, յատկապէս «Թասֆիր-ի Էֆքեար» (Tasvir-i Efkâr) ազդեցիկ օրաթերթի խմբագրութեան մէջ։
Ան Օսմանեան կայսրութեան մէջ յայտնի էր իբրեւ «Իթիլաֆական» (անդամ կամ համակիր Hürriyet ve İtilaf Fırkası՝ Ազատականութիւն եւ Համաձայնութիւն կուսակցութեան)։ Ասիկա այն քաղաքական ուժն էր, որ ընդդիմադիր էր Երիտթուրքերու (Իթթիհատ վէ Թերաքքը) ծայրայեղական ու ազգայնամոլ վարչակարգին։ Իթիլաֆականները կողմնակից էին Օսմանեան կայսրութեան մէջ տարբեր ազգերու համակեցութեան եւ աւելի մեղմ՝ արեւմտամէտ քաղաքականութեան։
Իբրեւ ընդդիմադիր լրագրող եւ Իթիլաֆական գործիչ, ան Երիտթուրքերու իշխանութեան կողմէ հետապնդուած է եւ ենթարկուած տարագրութեան (աքսորի)։
Աղբիւրներ
[Խմբագրել | Խմբագրել աղբիւրը]- Յուշարձան, Կ․Պոլիս, 1919 էջ 45․
- Թէոդիկի «Ամէնուն Տարեցոյցը»
- Պոլսահայ եւ Իզմիրահայ Գաղութային Մամուլի Արխիւներ
- Օսմանեան Մամուլի Պատմութեան Նուիրուած Ուսումնասիրութիւններ: