Կարմիր Ծով
 | ||
 | ||
| դասաւորում | ||
| Երկիր | Եգիպտոս Սուտան Ճիպութի Էրիթրէա Սէուտական Արաբիա Եմէն | |
Կարմիր ծով, Հնդկական ովկիանոսի ծով՝ Ափրիկէի եւ Արաբական թերակղզիին միջեւ։ Մակերեսը 460 հազար ք.մ.2 է, առաւելագոյն խորութիւնը՝ 3039 մ.։[1] Եւրոպայէն դէպի Ասիա եւ Աւստրալիա տանող ծովային ամէնէն կարճ ուղին է։
Անուանում[Խմբագրել | Խմբագրել աղբիւրը]
Անուանումը հաւանաբար ստացած է ջուրին մէջ գտնուող ջրային մամուռներէն, որոնք տարուան ընթացքին որոշ օրեր կարմրաւուն երանգ մը կը ստանան [2]։
Աշխարհագրութիւն[Խմբագրել | Խմբագրել աղբիւրը]
Հիւսիսէն ովկիանոսին հետ կը կապուի Սուէզի պարանոցով, որ կը բաժնուի Սինայի թերակղզին ողողող երկու ծոցերու՝ Ագապէ եւ Սուէզ, որոնք այնուհետեւ Սուէզի ջրանցքով կը կապուին Միջերկրական ծովուն հետ։ Հարաւէն Պապ Ալ-Մանտէպի նեղուցով եւ Ատենի ծոցով կը միանայ Արաբական ծովուն։
- Կարմիր ծովը Համաշխարհային ովկիանոսի ծովերէն ամէնէն աղին է:
- Կարմիր ծովը նշանաւոր է իր տաք ջուրով:
- Կարմիր ծովը ամէնէն մաքուրն է, որովհետեւ անոր մէջ ոչ մէկ գետ կը հոսի[3]:
Կարմիր Ծովուն Անասնական Աշխարհը[Խմբագրել | Խմբագրել աղբիւրը]
Ձուկերը[Խմբագրել | Խմբագրել աղբիւրը]
Ծովուն մէջ կարելի չէ լողալ, հոն կ'ապրին 5 մեթր երկարութեամբ գիշատիչ վագրային շնաձուկեր, որոնք կը յարձակին լողորդներու վրայ։ Վտանգաւոր է նաեւ թրաձուկը, որ թուրի նմանող իր երկար ու սուր քիթով կը ծակէ նոյնիսկ նաւերուն յատակը[4]։
Թութակ ձուկ[Խմբագրել | Խմբագրել աղբիւրը]
Անունը կը համապատասխանէ անոր գեղեցիկ տեսքին. բազմերանգ եւ թռչունի կտուցի նմանող ճակատով: Կապոյտ-կանաչ, դեղին եւ նարնջագոյն-կարմիր գոյնի, մեծ (մինչեւ 50 սմ երկարութեամբ) եւ անվնաս: Բայց հզօր ծնօտներով պատահական խայթոցը կրնայ բաւական ցաւցնել: Գիշերը ձուկերը դոնդողանման կոկոն մը կը կազմեն՝ ի պաշտպանութիւն մակաբոյծներէ եւ գիշատիչներէ: Նոյնիսկ գերզգայուն ձուն չի կրնար զայն հոտառութեամբ գտնել:
Նափոլէոն[Խմբագրել | Խմբագրել աղբիւրը]
Գլխուն վրայ ունի աքլորի նման «գլխարկ» մը: Ձուկը կը լողայ վարորդները աւելի լաւ ճանչնալու համար:
Անտաիս[Խմբագրել | Խմբագրել աղբիւրը]
Շատ փոքր չափի ձուկ (7-15 սմ)՝ նարնջագոյն, կանաչ եւ կարմիր երանգներով: Անիկա կրնայ հաւաքել մինչեւ 500 ձուկ:
Երկու գօտի ամֆիպրիոն[Խմբագրել | Խմբագրել աղբիւրը]
Նարնջագոյն, սեւ գիծերով ձուկերը կ'ապրին զոյգերով: Անոնք բնաւ չեն վախնար ջրասուզակներէն:[5]:
Թիթեռնիկ[Խմբագրել | Խմբագրել աղբիւրը]
Ձուաձեւ մարմինով՝ երկար ողնայարէ լողակներով, պայծառ սեւ եւ դեղին գոյներով: Կ'ապրին վտառներով եւ զոյգերով: Կան կապոյտ-նարնջագոյն, սեւ-արծաթագոյն եւ կարմիր-դեղին գոյնի տարբերակներ:
.jpg)
.jpg)
Շրջակայ Երկիրները[Խմբագրել | Խմբագրել աղբիւրը]
-
Թապա, Եգիպտոս -
-
Հուրղատա
Աղբիւրներ[Խմբագրել | Խմբագրել աղբիւրը]
- ↑ Յովհաննէս Բարսեղեան (2006)։ «Աշխարհագրական անունների հայերեն տառադարձության մասին որոշում»։ Տերմինաբանական եւ ուղղագրական տեղեկատու։ Երեւան: 9-րդ հրաշալիք։ էջ 51։ ISBN 99941-56-03-9
- ↑ Հ. Ղ. Գրգեարեան, Ն. Մ. Յարութիւնեան (1987)։ Աշխարհագրական անուններու բառարան։ Երեւան: «Լույս»
- ↑ Կարմիր Ծով
- ↑ Մ. Իսկենտերեան, Մայցամաքների եւ ովկիանոսների աշխարհագրութիւն, Երեւան
- ↑ Կարմիր Ծովուն Ձուկերը
|
Ուիքիպահեստ նախագիծի Կարմիր Ծով ստորոգութեան մէջ կրնաք գտնել յաւելեալ պատկերազարդում այս նիւթի վերաբերեալ։ |